هلو
اني اسمي رسلان صالح
عمري 26 سنة حصير 27 واعيش بالعراق ببغداد
طول عمري ومنذ الطفولة اني احب اللغة الانكليزية لان كبرت واني اتابع افلام اجنبية ومسلسلات واغاني
وجنت مدمنة يعني اباع فد 3 افلام بليوم فة حب اللغة الانكليزية كبر وياية كلما اني كبرت
فة قبل ماشوف التحدي جان عاجبني اسوي حساب لتعليم اللغة الانكيزية على الانستغرام لان اني احب انشر على الانستغرام فة كلت لنفسي شنو اكثر شي تحبي حتى تكدرين تسوي عليه فديوات وتنشريهن ؟ -اكيد الانكليزي :) بس مجانت عندي شجاعة ان ابدي خفت ليكون حسوي شي تافه او ممكن احد يصنف علية ومجان عنجي الحماس وحافز ان ابدي بس جان عندي الحلم بدون اي فعل!!!
من شفت التحدي مال 29 يوم الي نزلة مرتضى كلش عجبتني فكرة التحدي مو بس لان التحدي حلو لا! لان مرتضى كان الشخص الي نزل فكرة هل تحدي واني مرتضى اعتبرة شخص ملهم ومهم بالنسبة الي لهذا سبب بدون تفكير كلت لازم اشارك باي شي او اسوي اي شي ميهم المهم اشارك بتحدي مرتضى وحتكون فرصة مناسبة ان اخيرا حكدر اشوف شخص اني اعتبرة قدوة ايجابية وشخص دائم اتمنى ان التقي بي فة 100% لازم اشارك هيج كلت لروحي غصبا ما عليج يا رسلان تشاركين 😁
ورها فكرت وكلت ياربي شحسوي بهل تحدي وشنو شي راح اضمن ان اني استمر بي وماتركة حتى اكدر ع الاقل اوصل لنهاية فة تذكرت الحساب الي جنت اريد اسوي كلت اخيرا اجتي فرصتج اذا مو هسة تبدين مراح تبدين ابد فة تحدي انطاني الحافز والحماس ان ابدي واهم شي واصعب شي هي البداية
بكل سهولة فكرت باسم واني مفكرة بلمحتوى من زمان ان يكون فديوات قصيرة ومنشورات سميت حسابي على الانستا
الي هي
language و ruslan
مربوطات سوة
creativity وكذا عود دافيك ههههههه
!!!!!!!فتحت موبايلي وسجلت بلتحدي وبعدين اجاك الموت يا تراك الصلاة
منين ابدي؟ شسوي؟ شون؟ ليش؟ منين؟ وين؟ كيف لماذا؟ اين؟ شون؟ منين؟
اخذت نفس عميق وفكرت وسويت 6 خطوات انتبهوا عليه
1-لازم وية المنشورات التعليمية الي راح اسويهن اسوين صورة شون اسوي صورة ؟ اجيب من نت لا محلو فة قررت ان اني اسوي صور فة فتحت برنامج لتصميم على صور وترتيبهن
اسمة canva مثالي وكلشي بي فديو قصير ابو ربع ساعة ع البتيوب كافي ان تتعلم علية وتبدع بي
ملاحضة كانفا تكدر تسوي بي تصميم للفديو بس متكدر تعدل على فديو من قص وغيرها ومانصح بي لان كلش بطيئ من ناحية تحميل فديو يعني سويت اطار لفديو حلو حيل بس مستعملتة لان منزل ع موبايلي يرادلة نت قوي
2- لازم الفديوات الي راح انزلهن فد مونتاج بسيط يعني اسم حسابي فد صورة تطلع اسم الكلمة او جملة الي ارح اتعلمهة فة كبرنامج سهل بلبداية ستعملت هل برنامج
اسمة inshot سهل
بس شنو ورة فترة ردت اسوي فديوات محترفة اكثر وردت شغلات اكثر مموجودة ببرنامج ال in shot
فة رحت تعلمت على برنامج جديد اسمة keinmaster
برنامج متكامل وراح يغنيك حتى عن الحاسبة :) وشوف اول فديو سويتة بحسابي باستعمال ال inshot وشوف اخر فديو سويتة باستعمال kainemaster كلش فرق
فوت لحسابي وشوف الفرق بنفسك :)
3-المنشورات الي راح اكتبهة شون ارتبهن واعدل عليهن بسهولة لان اكيد مراح افتح الانستا واكعد اكتب بي المنشور لان كان مزعج فة استعملت برنامج اخر حتى اكدر اكتب محتوى المنشورات او محتوى الي ييتخلة جوة الفديو اكو هواي برنامج بسهولة تكدر تكتب بيهة حتى على الموبايل مثل الورد وغيرها اني صراحة اختاريت ال telegram زين telegram هو للمحادثة وليس لكتابة شيء فة شون حتكدر تستعملة
اني بالنسبة الي سويت كروب ع تلغرام وسميتة منشورات انكليزي وبي بس اني حتى بكل سهولة اكتب المنشور واخلي بي سمايلات وادزة لنفسي بلكروب ومن اشوف مرتب انسخة واخلي بلمنشور مال الانستا :)
4-زين اني تعلمت على النشر هسة شنو انشر وشسوي محتوى اخذتلي فرة طويلة جدا على الانستغرام وتابعت هواي هواي هواي صناع محتوى تعليمي للغة الانكليزية واخذت فرة طويلة على اليتيوب حتى اعرف همة هناك شناشرين ايضا واخذ فكرة وايضا شفت فديوات على اليتيوب تخص كيفية صناعة المحتوى التعليمي فة هاي بعض الحسابات المرتبة الي فادتني ذكرتهن بمدوناتي سابقة شوفوهن
5- اذاماعندك وقت للننشر بشكل يومي تكدر تتعلم ان تسوي منشورات مجدولة وتنزل عدة فديوات بيوم واحد بس تنشرها بكل عام ولكل بعدة ايام متفرقة هاي يسمو scheduled post
اكو برامج تتعلم عليه تخص النشر مثل buffer و later
وتكدر همات تسوي صفحة على فيس بوك وتربط بيهة حسابك على الانستا وتنزل تطبيق يخص صفحات الفيس بوك facebook business
هذا راح يخليك تنزل منشورات بوقت انتة تحددة
6-هسة هاي هية سويت محتوى ماتي و منشوري وسويت صور لو فديو ماتي كملت وحبدي ويا هلا هلهولة راح ابدي واخيررااااااااااااااااااااااااااااااااا اااااااااااااااااااااااااااا اااااااا اااااا
ااااااااااااااااااااااااااااااااااااااااااااااااااااااااا
اااااااااااا
اااا
لا لا لا هوب هوب مو اخيرا من خلال فرتي على اليتيوب شفت هواي مواضيع تخص خطط السوشيل ميديا
social media strategy
وطلع ان اي صانع محتوى لازم يتعلم على مهارات السوشيل ميديا وكيف يزيد متابعين وكيف يسوي خطة تناسبة وتناسب افكارة وتوجهاتة شوفوا مدونتي سابقة للمصادر
هسة صدك اخيرا جيب ورقة وقلم وموبايلك اكتب بالورقة يا محتوى حتسوي اليوم وافتح كامرتك مال موبايل وابدي صور حلو وسهل وكلشي تمام الى ان من صدك تبدي !!
وتبدي وياك الصدمة ! ! !
بديت وبدت الصعوبات تصوير متعب من ناحية الاضائة وجودة الصوت بس اني قررت ان ابدي حتلو اني ممضبطتهن مية بلمية لان ماكو احد مثالي بس المهم ان نبدي ومن خلال البداية ومن خلال التجربة نتعلم و همات تعديل على فديو كلش يطول بس من تطلع بنتيجة حلوة تفرح بهل شي
فة صورت اول فديو وعدلت علية ثم نشرتة وكمت ادز لاصدقائي حتى يتابعون حسابي وينشروا
اكيد همات اكو صعوبات اخرى نت وطفية الكهرباء مزعجة جدا بس اني جنت احاول اكون هادء وماضوج نفسي بهل شغلات حتى افرح من يكمل كلشي وينشر الفديو واحافض على حماسي وسعادتي وماخلي هل شغلات صغيرة تضوجني يعني هاي هية الحياة وكلشي تمام شتكولون ؟؟؟؟؟؟؟
هههههه أكيد لا
اني جنت مقررة اروح سفرة للشمال وحاجزة قبل التحدي فة ان شسوي هل راح يأثر على استماريتي بلتحدي ويعني راح اتركة واني مجنت مستعدة ان اتركة وكلش فرحانة بي فة جان قراري
تن
تن
تن
ان ماترك التحدي واستمر بي حتلو اني بسفرة واذا
فة سويت تحضيراتي للتحدي ولحسابي التعليمي مثل ما حضرت جنطتي
صورت فديوات تعليمية ليكدام وحضرت افكار للمنشور
عدلت على 2 فديوا ليكدام قبل مااسافروبقة عندي شكم فديو كلت بلسفرة اعدل علية وبلسفرة اكمل باقي حبشكلات تعديل عل صور وفديوات بكامل لمهم سويت الخطوة الاصعب ان هي تحضير المحتوى وترتيبة بقة بس النشر فة حضرتهن وانطلقت لسفرتي
اولا شتركت نت ع موبايل
خلال فترات الغداء جنت اخذ بريك من الطلعات شوية استراحة متطوا واكمل تعديل على فديو وانشرة يا اما بليل قبل مانام او ثاني يوم بفترة استراحتي يعين سويت لنفسي جدول سهلو وبسيط حتى استمر خلال سفرتي بدون ما ان انسة اشترك وجنت ايضا اعبي الاستمارة واني مثلا طالعة بمصيف او شي اكعد بحدي واعبي الاستمارة مال تحدي بسهولة مخليت السفر اوشغل يأثر على تحدي مالتي وعلى احلامي بالعكس خلاني اتونس اكثر واكثر
وهل فديو صورته بللسفرة علمود الاستمارة وجان اكو رياح هواي فة عدت تصوير فديوبس هذا بقيتة كذكرى :)
رجعت لبغداد وياية خطط اكثر وافكار اكثر واحلام اكبر
كلت لازم ابدي اسوي حساب على يتيوب ومقررة بالمستقبل اسوي مو بس على الانستغرام وايضا التك توك
وايضا قررت اسوي ورشات واجتماعات اون لاين للتحدث باللغة الانكليزية فة كتبت هل شي بمدونة ال 20 يوم وتواصل وياية نورمن فريق مرتضى للتحدي وكلي ان همة هميردون يسون هيج نوع من النشطات وطلب مني ان اشارك وياهم اني طبعا كبل وافقت وفرحت من وصلني المسج من نور لان جان مسج كلش محفز وتشجيعي بحيث كبل رحت صورت فديو علمود حسابي بلانستا واكيد سويت وياهم هل نشاط وهذا صور من يوم اجتماع التحدث
واكيد اني هم ناوية اسوي اجتمااعات اكثر سواء وياهم اوبحدي فة تابعوني اذا تحبون تشاركون او تحبون تشوفون المحتوى مالتي هذا حسابي
واتمنى اكون فدت اي شخص راح يقرة مدونتي اذا يريد يبدي بصناعة المحتوى
او شخص يحب اللغة الانكليزية ويريد يتابعني حتى يتعلم
لان هو هذ جزء من حلمي ان اكدر افيد الناس ولو بشي بسيط
وخلص التحدي وعاشوا عيشة سعيدة :)
وتزوجت الاميرة بلامير وعاشوا بسعادة الى الابد
هههههههههه كلنة نتمنة تكون هاي نهاية تحدي والشغل ودراسة
بس التحدي الحقيقي هسة يلا بدة
وبعدنة بالبداية ولازم نستمر بلتحدي لحد ما نوصل للمكان او المستوى الي نطمحلة
وهناك راح نعيش بسعادة ؟ صح ؟
همات لااااا لا لا لا
سعادة والفرحة تجي وانتة دة تعمل على شي تحبة و من توصل لمكان الي تطمحلة مو معناته توقف سعي لازم تعسى وتستمر وكل ماتوصل لهدف ترسم هدف اعلى لان الحياة بدون اهداف او احلام هية مو حياة
هي موت !
اكيد ماريدكم تموتون ولا اريد نفسي تموت ههههه فة راح استمر اتحدى نفسي
بأذن الله
احبكم واتمنالكم حياة مليانة احلام :)
تابعووونييييييي بليز
النهاية (الي هي نقطة البداية)
