ياااا هلااا و 100 هلا
اني رسلان
واريد اتعلم صناعة المحتوى ودادرس علية واشوف فديوات علية واطبقهن يوميا
وسويت حساب لتعليم اللغة الانكليزية بطريقة مبسطة وممتعة
inshot جنت استعمل برنامج اسمة
لتعديل على فديوات ردت اسوي هواي شغلات بي واعدل واجمل فيديو اكثر ومصارت بي برنامج محدود
فة قرتت احول واتعلم على برنامج اخر وايضا تستعملة بلموبايل ويغنيك عن لابتوب
فة لبرنامج خلاني اتطور من ناحية تعديل على الفديوات
اسم برنامج جديد kinemaster
ومن ناحية قرائة والبحث عن المصادر حتى اسوي منشور فادتني ان الم معلومات اكثر عن هواي جمل وكلمات باللغة الانكليزية وداحس بتطور ملحوظ بلغتي
داستعمل يتيوب وانستغرام واتابع ناس تنشر معلومات مفيدة عن صناعة محتوى وفديوات والريلز
ذكرت مصادر بمدونة اليوم ال 10
وترة!!!!
صناعة المحتوى سواء من تعلم علية او صنع المحتوى نفسة يتطلب جهد يومي وتفكير يومي تفكر عن شنو تسوي فديو وشون حتسوي وشون توصل لاكثر عدد من ناس وشون تروج لمحتواك وشلون تنشر بشكل مستمر وبدون انقطاع وشوكت تنشر يا ساعة ويا يوم وتفكير مستمر لا يتوقف
تعلمت بهل تحدي الصبر ( صبر ايوب 🤣 ) لا جديات تعلمت أتحمل كل مصاعب الي تجي كونك صانع محتوى بلعراق من ضعف انترنت الى نقطاع كهرباء وشون حتصور الى اضائة ضعيفة الى عياط جهال حواليك بلبيت كلهة اتحملهة ومافقد اعصابي في سبيل اعيد فديو وتصويرة 10000 مرة لحد مايضبط واكون انجزت شي رغم صعوبات
لكن .....
مشاعري بهل تحدي جياشة يعجز لساني عن الوصف هههه اشعر بلفرح ان داستثمر وقتي وطاقتي بشي حلو ومفيد واحبة ومداضيع ووقتي بس اكلب بلنت
وصار شي حلو وهو اختفاء الخوف الشديد الي جان عندي بالبداية قبل مابدي بالتحدي جنت خايفة ان شي داسوي سخيف وكل هل مخاوف راحت جانت فقط بعقلي ومخيلتي الخصبة
أهدافي تطورت وتوسعت ردت بس اسوي حساب تعليم لغة حاليا اريد اسوي جلسات تحدث للغة اونلاين 💖😍
وخططي دة تتوسع كلما تتوسع افكاري فة داحاول اكون مرنة من ناحية تغير خطة كلما تجيني فكرة جديدة
اتمنى ان اصورة فد 10 فديوات كل يوم فديو انشرة خلال هل ايام الجاية
No comments:
Post a Comment